ചന്ദ്രക്കല ചൂടിയ ഭാഷ
എം.കെ.ഹരികുമാർ
എൻ്റെ ഭാഷയിൽ ചന്ദ്രക്കല നിരവധിയാണ്.
ഓരോ അക്ഷരത്തിനു മുകളിലും
അതു സ്ഥാനം പിടിക്കും,
സമയം വരുമ്പോൾ .
ചന്ദ്രക്കല ശിരസിലേന്തിയ
എൻ്റെ ഭാഷ
ആകാശത്തിൽ
നൃത്തം ചെയ്യുകയാണ്.
ഭൂമിയിലെ ജീവജാലങ്ങളാണ്
എൻ്റെ ഭാഷ .
എന്നാൽ എപ്പോഴും
അതിന് ചാന്ദ്രവംശമഹിമയുടെ അലങ്കാരമുണ്ട് .
അത് അസ്തിത്വത്തിൻ്റെ വ്യഥാ സാകല്യതയിൽ
സകല കാലങ്ങളിലും
സ്മൃതികളിലും
സ്വപ്നങ്ങളിലും
പടർന്നു കയറുമ്പോൾ
ആകാശചന്ദ്രിക
ഒരു മുകൾജാലകമാണ്,
പ്രതീക്ഷയുടെ, ആനന്ദത്തിൻ്റെ .
BACK TO HOME
No comments:
Post a Comment
Note: Only a member of this blog may post a comment.